Google ADS

Hoxha i ndau medaljen “Mburojë e Policisë” familjes së heroit Afrim Bunjaku

16:49 | 27 Shtator 2023
E.G

Drejtori i Përgjithshëm i Policisë së Kosovës, Gazmend Hoxha, bashkë me stafin e tij, sot vizitoi familjen Bunjaku dhe në emër të Policisë së Kosovës u shprehu ngushëllime.

Gjatë kësaj vizite, Hoxha I ndau medaljen “Mburojë e Policisë”, si dhe në emër të ministrit të Punëve të Brendshme të Shqipërisë, Taulant Balla i dorëzoi flamurin e Republikës së Shqipërisë si nderim për veprën heroike të rreshter Afrim Bunjaku, shkruan Arbresh.info.

“Ky ishte edhe një mesazh tjetër i Drejtorit të Përgjithshëm që në këso kohë të vështira të qëndrojmë bashkë dhe të mbështesim familjen Bunjaku dhe të gjithë pjesëtaret e Policisë që me dedikim e sakrificë përkushtohen në mbrojtjen e paqes dhe sigurisë në Republikën tonë.”, thuhet në njoftimin e Policisë.

Rreshteri, Afrim Bunjaku ra heroikisht më 24 shtator në Banjskë të Zveçanit si pasojë e sulmeve nga një grup i maskuar dhe i armatosur.

Presidentja, Vjosa Osmani e shpalli “Hero i Kosovës”, të ndjerin Afrim Bunjaku./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm